Turning markaziy uchrashuvi Qarshida "Nasaf" va "Navbahor" o'rtasida kechgan bo'lsa, Yaypanda "Qo'qon-1912" - "Neftchi" uchrashuvi yani Farg'ona derbisi bo'lib o'tdi. Quyida mazkur bahsga doir qiziqarli faktlarni keltirib o'tamiz.

1. Vitaliy Levchenko "Neftchi", Davron Fayziev "Qo'qon-1912" bosh murabbiyi sifatida debyut qildi.

2. Kechagi to'qnashuv jamoalarning Superligadagi o'zaro 30 uchrashuvi bo'ldi. Ustunlik "Neftchi" tomonida 20ta g'alaba.

3. "Qo'qon-1912" va "Neftchi" o'rtasidagi uchrashuvda muxlislar 6ta gol guvoxi bo'lishdi. Bunday sermahsullik so'nggi bor 2003 yilgi mavsumda qayd etilgan, o'shanda "Neftchi" raqibini 6:2 hisobida mag'lub etgandi.

4. 3:3 hisobi o'zaro o'yinlarda ilk bor qayd etildi.

5. Andrey Sidorov Superligada oxirgi marotaba 2021 yilning 27 noyabr kuni "Qo'qon-1912" tarkibida "Navbahor" darvozasiga yo'l topgan. Oradan 8 oy o'tib u yana "Qo'qon-1912" tarkibida gol urdi.

6. Shohnazar Norbekovdan bu yil ajoyib start. Hujumchi mavsumdagi ilk golini birinchi davraning birinchi turida AGMKga urgan edi. Endilikda qo'qonliklar safida ikkinchi davraning birinchi o'yinida "Neftchi"ga gol urdi.

7. Lutfulla To'raevning faoliyatidagi gollari soni 10tadan oshdi. U qo'qonliklar darvozasiga 11 golini urdi.

8. "Neftchi" tarkibida maydondan Abbos G'ulomov chetlatildi. 2019 yilda Superligada debyut qilgan Abbos G'ulomov faoliyatidagi birinchi qizil kartochkani ishlab oldi.

9. Shahzod Ubaydullaev bu yil "Qo'qon-1912"ga qarshi 2ta o'yinda ham gol urishga erishdi. Hujumchi birinchi davrada "Qo'qon-1912"ga gol urib "Neftchi"ga ilk g'alabani taqdim qilgandi.

10. Uchrashuvni 1 622 nafar tomoshabin stadiondan bevosita kuzatdi.

Abdulaziz Iskandarov

Fayziev va Levchenko debyutida durang. Farg'ona derbisidan qiziqarli 10ta fakt