- O'yin haqida...

- Fikrimcha, o'yin muxlislarbop bo'ldi. Stadionga kelgan ishqibozlar zerikib qolishmadi, deb o'ylayman. Chempionatimizda bunday uchrashuvlar ko'p bo'lishi tarafdoriman. O'yinga ortiqcha izoh shart emas. 6ta gol barchasini aytib turibdi. Bir so'z bilan aytganda haqiqiy derbi! Bir kishi kam bo'lib qolganimizga qaramasdan durangni emas, g'alabani o'yladik.

- Vitaliy Levchenko qanday futbolni talab qilyapti?

- Har bir murabbiy singari Vitaliy Grigorevichni ham o'z qarashlari, uslublari bor. Yig'inda ham bu borada ko'proq ishladik. Murabbiyning ko'rsatmalarini tushunishga harakat qilyapmiz. O'ylaymanki, bu mavsum davomida o'z samarasini beradi.

- Birinchi davradagi uchrashuv bilan farqi nimada bo'ldi?

- Farqi juda katta. Ikki jamoada ham vaziyatlar etarlicha bo'ldi. Futbol jamoaviy o'yin. 10 kishi bo'lib o'ynash o'z tasirini o'tkazdi baribir.

- "Neftchi" turnir jadvalida autsayderlar qatoridan chiqa oladimi? Imkoniyatlar qanday?

- Vaziyatni o'nglashimizga ishonaman. Imkoniyatlarimiz hali bor. Tarkibimiz yaxshi shakllangan. Har bir o'yinda g'alaba uchun intilishimiz shart.

Sunnatilla Abdullajonov: "Haqiqiy derbi!"