- Ўйин ҳақида...

- Фикримча, ўйин мухлисларбоп бўлди. Стадионга келган ишқибозлар зерикиб қолишмади, деб ўйлайман. Чемпионатимизда бундай учрашувлар кўп бўлиши тарафдориман. Ўйинга ортиқча изоҳ шарт эмас. 6та гол барчасини айтиб турибди. Бир сўз билан айтганда ҳақиқий дерби! Бир киши кам бўлиб қолганимизга қарамасдан дурангни эмас, ғалабани ўйладик.

- Виталий Левченко қандай футболни талаб қиляпти?

- Ҳар бир мураббий сингари Виталий Григоревични ҳам ўз қарашлари, услублари бор. Йиғинда ҳам бу борада кўпроқ ишладик. Мураббийнинг кўрсатмаларини тушунишга ҳаракат қиляпмиз. Ўйлайманки, бу мавсум давомида ўз самарасини беради.

- Биринчи даврадаги учрашув билан фарқи нимада бўлди?

- Фарқи жуда катта. Икки жамоада ҳам вазиятлар етарлича бўлди. Футбол жамоавий ўйин. 10 киши бўлиб ўйнаш ўз таъсирини ўтказди барибир.

- "Нефтчи" турнир жадвалида аутсайдерлар қаторидан чиқа оладими? Имкониятлар қандай?

- Вазиятни ўнглашимизга ишонаман. Имкониятларимиз ҳали бор. Таркибимиз яхши шаклланган. Ҳар бир ўйинда ғалаба учун интилишимиз шарт.

Суннатилла Абдуллажонов: "Ҳақиқий дерби!"