- Аввал айтгандим, Португалиянинг Европа чемпионатидаги мақсади - финалга чиқиш ва бош совринни қўлга киритиш. Биз ўз кучимизга ишонамиз. Жамоа Португалия халқини бахтли қилишни истамоқда. Уларга байрам туҳфа этмоқчимиз.

Франция терма жамоасини ортиқча муҳокама қилиш шарт эмас. Уларни қандай кучга эга эканликларини барча яхши билади. Турнир аввалида айтгандим, ғолибликка учта энг асосий фаворитлар булар - Испания, Германия ва Франция эди. Франция тахминларни оқлади ва мана финалда ўйнамоқда. Мусобақа давомида эса бошқа даъвогарлар ҳам пайдо бўлишди. Португалия, яъни биз шулар жумласидан.

Франция терма жамоасидаги алоҳида ижрочилар? Тўғриси, ҳеч кимни ажратиб кўрсатмоқчи эмасман. Сабаби, улар сафида ўйнайдиган барча футболчилар юқори малакали ижрочилар саналишади. Уларнинг барчаси бизни бирдек ташвишлантиради. Франция таркибидаги исталган футболчи финал тақдирини ҳал этишга қодир. Чунки уларнинг барчаси жаҳон даражасидаги футболчилар.

Португалияда ҳам ажойиб жамоа ва кучли ижрочилар мавжуд. Бизнинг футболчилар ҳам финал масаласини ҳал этишга қодир. Бизни бутун турнир давомида тинимсиз қўллаб-қувватлаб келган барча мухлисларга миннатдорчилик билдираман. Улар нафақат стадионда, балки ҳар куни бизни қўллаб келишди. Уларнинг ишончи бизни янада илҳомлантирди.

Финалда эса Португалия ўз мухлисларига керагидан ҳам кўпроқ муҳтожроқ бўлади. Бу баҳсда ишқибозларимизнинг ўрни ҳам муҳим аҳамият касб этади. Уларнинг қўллаб-қувватлаши ниҳоятда керак.

Фернанду Сантуш: "Португалия халқини бахтли қилишни истаймиз"