Ko'plab muxlislarga ega ushbu virtual futbol o'yinida o'zbekistonlik futbolchilarga berilgan baho bilan qiziqdik.

FIFA 17 o'yinida faqat 3 nafar o'zbekistonlik futbolchini topishga muvaffaq bo'ldik. Odil Ahmedov ("Krasnodar"), Vitaliy Denisov ("Lokomotiv") va Vadim Afonin ("Orenburg"). Uchchala futbolchi ham Rossiya Premer-ligasida to'p tepishadi.

Vitaliy Denisov - 78

Moskvaning "Lokomotiv" hamda O'zbekiston terma jamoasi himoyachisi Vitaliy Denisovning umumiy ko'rsatkichlari 78ga teng. 29 yoshli futbolchimizning eng kuchli jihati CHIDAMLILIK. Ushbu jihat bo'yicha Denisovning ko'rsatkichi 91. Shu bilan birga Vitaliyning TEZLANISH (86) va SPRINTERLIK TEZLIGIga (83) ham yuqori baho berilgan. Himoyachimizdagi eng past ko'rsatkich zarba berishda joy tanlash (40) va hujumni yakunlashdadir (40).

Odil Ahmedov - 77

O'zbekiston terma jamoasi sardori, "Krasnodar" etakchilaridan biri Odil Ahmedovga o'yinning bu qismida biroz past baho berilgan. Ahmedovning terma jamoadagi harakatlarini hisobga olsak, u 80 ga munosib. FIFA 17da Odil Ahmedovning eng kuchli ko'rsatkichlari quyidagicha:

Sakrash - 81

Chidamlilik - 82

Qisqa paslar - 80

Zarba kuchi - 82

FIFA ishlab ijodkorlarining fikricha, Ahmedov to'pni yaxshi aylantira olmaydi. Aylanma pas (51) va zarbada (45) uning natijalari juda past.

Vadim Afonin - 67

"Orenburg" yarim himoyachisi Vadim Afoninning FIFA 17dagi ko'rsatkichlari past. Uning eng kuchli natijalari jarima zarbalari (72), aylanma paslar (71) va chidamlilik (73).

RFPLda to'p tepuvchi Afoninning eng yomon ko'rsatkichlari:

Hujumni yakunlash - 44

Jismoniy kuch - 50

Dribling - 50

FIFA 17da o'zbekistonlik futbolchilar bormi?