Shu maqsadda joriy yilning 17-18 may kunlari FIFA texnik departamenti bosh mutaxassisi Mishel Sablon va Gi Kiala Samarqand viloyatiga tashrif buyurdi. Tashrifning birinchi kunida mutaxassislar dastlab Samarqand viloyati futbol maktabiga qadam ranjida qildi. Tashrif davomida futbol maktab shart-sharoitlari, futbol maydon holati bilan tanishishdi.
Shundan so'ng Samarqand viloyati futbol akademiyasiga tashrif buyurishdi. Dastlab viloyat futbol mutaxassislari uchun futbol akademiyasida tashkil qilingan seminarda ishtirok etishdi.
Seminarda FIFA texnik departamenti bosh mutaxassisi Mishel Sablon va Gi Kialalar tomonidan zamonaviy futbol tendenciyalari bo'yicha tavsiyalar berildi. Har bir murabbiy bilan suhbat o'tkazib kerakli maslahatlar berdilar. Samarqand viloyati futbol akademiyasi shart-sharoitlari va mashg'ulot jarayonlarini ko'zdan kechirishdi.
Tashrifning ikkinchi kunida Samarqand shahridagi tarixiy obidalarini tomosha qildilar.
Izohlar