Кечаги ўйин ортда қолди. Футболда аввалги ўйинни унутмасдан туриб, янгисига тайёргарлик кўриш қийин. Буни Миржалол Қосимов машғулот аввалида яна бир бор футболчиларга такидлаб ўтди.

Футболчилар ҳам Гонконг билан ўйинни унутишлари лозим, қолган ўйинларда ғалаба кутамиз

Афғонистон терма жамоаси ҳали машғулотларини тугатмаганлиги боисдан футболчиларимиз бироз кутиб қолишга мажбур бўлишди. Аммо улар зерикиб қолмадилар. Ча Па лақабли ит билан ўйнашди. Ҳа энди бу ўзимизнинг Чапани корейсча номида.

Бу ит умрида бунча эътиборни кўрмаган бўлса керак

Кеча ўйин бўлиб ўтганлиги ва машғулот анча эрта бошланганлиги учун футболчиларимиз тўлиқ кучларини тиклаб олмаган эдилар. Шунинг учун машғулотлар бироз енгил ўтди. Кеча ўйнаганларнинг аксари алоҳида шуғулланди.

Бундан олдинги расмни қўярдим-ку.... Агар жамоамиз чемпион бўлса қўяман, кадр орти ҳангомалари бўлади. Расмни қўйдириш учун ҳам Сардор ҳар ўйинда гол урса ажаб эмас... "Эй қулоғи чандиқ қиз..." Узр, буни фақат уч киши тушунади.

Бир гуруҳ йигитлар билан Шуҳрат Мақсудов ишлади. Жами тўртта жамоа икки нафар футболчидан оёқда волейбол ўйнадилар. Рашидов - Исроилов жуфтлиги ҳаммадан кўп ғалаба қозонишди. Ҳошимовга Тўхтахўжаев тандем, Сергеев Кримец иккиси эди. Козак эса Шуҳрат Мақсудов билан ўйнади.

Қизиқарли кўринишдаги машқлардан бири

Шу тариқа терма жамоамизнинг навбатдаги машғулот ҳам якунига етди. Қолган суратларни қуйида томоша қилинг. Эртанги машғулот, Тошкент вақти билан тонгги 7:00да бўлади.

Нодирхўжа Юлдашев

Фотомақола. Бангладешга қарши ўйинга тайёргарлик бошланди