Chempionatda Osiyoning 8 ta davlatidan terma jamoalar ishtirok etishadi. Ushbu terma jamoalar “A” va “V” guruhlarga bo'linishgan O'zbekiston terma jamoasi “A” guruhdan o'rin olgan, shuningdek bu guruhda Eron, Malayziya va Gongkong davlatlari terma jamoalari bor.

Malumingizkim, mamlakatimizning ushbu terma jamoasiga taniqli mutaxasis Avaz Maqsumov bosh murabbiylik qiladi, unga yosh mutaxasis Kamola Usmanova yordam beradi.

Terma jamoa azolari bugun Qarshi shahrida yig'ilishdi. Osiyoda ilk bor o'tkaziladigan chempionat oldidan bugun tayyorgarliklar boshlanadi.

Xo'sh, yig'in nega Qarshida shahrida tashkil etildi? Bunga bir necha sabablar bor, birinchidan ushbu terma jamoaning aksariyatini “Sevinch” jamoasi futbolchi qizlari tashkil qiladi, qolgan futbolchilar Toshent shahrining “Bunyodkor W” va Toshkent viloyatining “Metallurg W” jamoalaridandir. Ikkinchidan Qarshi shahridagi “Geolog” sport va sog'lomlashtirish markazida futzal bo'yicha tayyorgarliklar olib borish uchun barcha sharoitlar mavjud. Bu erda ko'plab xalqaro musobaqalar o'tkazilganidan ham xabaringiz bor.

Shularni etiborga olgan terma jamoalar markazi yig'inni shu erda tashkil qilishni maqul topishgan.

Bugun 16:00da dastlabki mashg'ulotlarga kirishishdi.

Yig'in haqida keyingi sahifalarimizda ham batafsil xabarlar berib boramiz.

Futzal bo'yicha O'zbekiston ayollar terma jamoasi Qarshida yig'inni boshlashdi