O'yinlarda ketma-ket g'alaba qozonayotgan “Dinamo” hatto chempionat peshqadami “Huaxin-Jizzax” jamoasini ham vahimaga solayotgandi. Samarqand klubi birinchi bo'limda hisob ochilmasligini taminlab turgandi. Ikkinchi bo'limda esa kutilmaganda samarqandliklar Mexroj Xudoyberdievning avtogoli evaziga o'z darvozalaridan to'p o'tkazib yuborishdi. Bundan ruhlangan jizzaxliklar o'yin yakunigacha ikkita gol urib, hisobni o'z foydalariga hal etishdi.

“Neftchi” “Stroitel-Zarafshon”ga hech qanday imkoniyat qoldirmadi. Farg'onaliklar kecha “Dinamo”dan mag'lub bo'lgandi, shuning uchun bugun zarafshonliklarga qarshi astoydil harakat qilishdi va buning uddasidan chiqishdi. “Paxtakor” ham bitta gol farqi bilan “Bunyodkor”dan ustun keldi.

Olmaliqda esa kutilmaganda “Nasaf” “Metallurg”ni mag'lubiyatga uchrata oldi. Vaholanki bekobodliklar uchrashuvning boshidayoq gol urib, birinchi bo'limni o'z foydalariga ushlab turishgandi. Ikkinchi bo'limda qarshiliklar tashabbusni o'z qo'llariga olishdi va buni hisobda ham isbotlashdi. AGMK “Navbahor”ni, “Lokomotiv” esa “Maksam-Chirchiq”ni yirik hisobda engdi.

Futzal. Oliy liga. 7-tur

Uchinchi kun. 5 fevral

Toshkent. “Yunusobod” sport majmuasi

HUAXIN-JIZZAX – DINAMO – 3:0

Gollar: Davron Choriev (29), Husniddin Nishonov (38) – Mexroj Xudoyberdiev (26-o'z darv.)

STROITEL-ZARAFSHON – NEFTCHI – 0:4

Gollar: Dostonbek Bobojonov (16, 20, 31), Shuhratbek Rashidov (30)

PAXTAKOR – BUNYODKOR – 4:3

Gollar: Feruz Faxriddinov (2), Dilshod Irsaliev (14), Konstantin Sviridov (20), Muhammad Zoirov (28) – Muhammadbobur Rahmonberdiev (14, 15), Xurshid Najimov (22)

Olmaliq. OKMK sport majmuasi

NAVBAHOR – AGMK – 1:5

Gollar: Burxoniddin Sodiqov (9-o'z darv.), Dovudxon Sadriddinov (36) – Davlat Ibrohimov (17, 28, 40), Abdulla Solixov (19)

NASAF – METALLURG – 6:4

Gollar: Mamasharif Xalimov (21, 24), Shohruh Norqulov (22, 23), Oybek Polvonov (27), Baxtiyor Baratov (36) – Sanjar Ziyoxonov (2), Islombek Biyto'raev (31), Farhod Qodirov (40), Temur Saydullaev (40)

LOKOMOTIV – MAKSAM-CHIRCHIQ – 8:2

Gollar: Dilmurod Shavkatov (14), Jamoliddin Sharipov (17), Mashrab Odilov (28), Ravshan Asqarjonov (29), Akbar Usmonov (34, 35, 38, 40) – Bekzod Jumaboev (15), Ashirbek To'lqinov (31).

Futzal. Oliy liga. "Neftchi" "Stroitel-Zarafshon"ni yirik hisobda engdi, "Metallurg" "Nasaf"ga mag'lub bo'ldi