Ўйинларда кетма-кет ғалаба қозонаётган “Динамо” ҳатто чемпионат пешқадами “Ҳуахин-Жиззах” жамоасини ҳам ваҳимага солаётганди. Самарқанд клуби биринчи бўлимда ҳисоб очилмаслигини таъминлаб турганди. Иккинчи бўлимда эса кутилмаганда самарқандликлар Мехрож Худойбердиевнинг автоголи эвазига ўз дарвозаларидан тўп ўтказиб юборишди. Бундан руҳланган жиззахликлар ўйин якунигача иккита гол уриб, ҳисобни ўз фойдаларига ҳал этишди.

“Нефтчи” “Строитель-Зарафшон”га ҳеч қандай имконият қолдирмади. Фарғоналиклар кеча “Динамо”дан мағлуб бўлганди, шунинг учун бугун зарафшонликларга қарши астойдил ҳаракат қилишди ва бунинг уддасидан чиқишди. “Пахтакор” ҳам битта гол фарқи билан “Бунёдкор”дан устун келди.

Олмалиқда эса кутилмаганда “Насаф” “Металлург”ни мағлубиятга учрата олди. Ваҳоланки бекободликлар учрашувнинг бошидаёқ гол уриб, биринчи бўлимни ўз фойдаларига ушлаб туришганди. Иккинчи бўлимда қаршиликлар ташаббусни ўз қўлларига олишди ва буни ҳисобда ҳам исботлашди. АГМК “Навбаҳор”ни, “Локомотив” эса “Максам-Чирчиқ”ни йирик ҳисобда енгди.

Футзал. Олий лига. 7-тур

Учинчи кун. 5 февраль

Тошкент. “Юнусобод” спорт мажмуаси

ҲУАХИН-ЖИЗЗАХ – ДИНАМО – 3:0

Голлар: Даврон Чориев (29), Ҳусниддин Нишонов (38) – Мехрож Худойбердиев (26-ўз дарв.)

СТРОИТЕЛЬ-ЗАРАФШОН – НЕФТЧИ – 0:4

Голлар: Достонбек Бобожонов (16, 20, 31), Шуҳратбек Рашидов (30)

ПАХТАКОР – БУНЁДКОР – 4:3

Голлар: Феруз Фахриддинов (2), Дилшод Ирсалиев (14), Константин Свиридов (20), Муҳаммад Зоиров (28) – Муҳаммадбобур Раҳмонбердиев (14, 15), Хуршид Нажимов (22)

Олмалиқ. ОКМК спорт мажмуаси

НАВБАҲОР – АГМК – 1:5

Голлар: Бурхониддин Содиқов (9-ўз дарв.), Довудхон Садриддинов (36) – Давлат Иброҳимов (17, 28, 40), Абдулла Солихов (19)

НАСАФ – МЕТАЛЛУРГ – 6:4

Голлар: Мамашариф Халимов (21, 24), Шоҳруҳ Норқулов (22, 23), Ойбек Полвонов (27), Бахтиёр Баратов (36) – Санжар Зиёхонов (2), Исломбек Бийтўраев (31), Фарҳод Қодиров (40), Темур Сайдуллаев (40)

ЛОКОМОТИВ – МАКСАМ-ЧИРЧИҚ – 8:2

Голлар: Дилмурод Шавкатов (14), Жамолиддин Шарипов (17), Машраб Одилов (28), Равшан Асқаржонов (29), Акбар Усмонов (34, 35, 38, 40) – Бекзод Жумабоев (15), Аширбек Тўлқинов (31).

Футзал. Олий лига. "Нефтчи" "Строитель-Зарафшон"ни йирик ҳисобда енгди, "Металлург" "Насаф"га мағлуб бўлди