- Dekabr oyida O'zbekiston futzal terma jamoasi bilan ikkita o'rtoqlik o'yinida maydonga tushdinglar. Ushbu terma jamoa haqida qanday fikr bildirasiz?
- O'zbekiston terma jamoasida juda yaxshi murabbiy bor va kuchli futzalchilar bor. Ular juda yaxshi taktikaga ega, futzalchilari ham jismonan juda kuchli. Ayniqsa standart vaziyatlardan mohirona foydalanshadi. Men Pulpisni juda yaxshi bilaman. U ushbu terma jamoalarda kamida 4 yoki besh yildan beri ishlab kelmoqda. Ushbu musobaqada O'zbekiston terma jamoasi g'olib bo'lish uchun asosiy davogar deb hisoblayman.

- O'zbekiston terma jamoasi “A” guruhidan o'rin olgan. Ushbu guruh haqida qanday fikr bildirasiz?
- “A” guruhida O'zbekiston va Livan terma jamoalari qolgan ikki terma jamoaga qaraganda kuchli hisoblanadi. Menimcha “A” guruhida O'zbekistonga kuchli bo'lmagan jamoalar raqiblik qiladi. O'zimizning “D” guruhiga keladigan bo'lsak, Avstraliya terma jamoasi ikki marotaba jahon chempionatida ishtirok etgan. Menimcha Yaponiya terma jamoasini barcha yaxshi biladi. Bizning guruhimizda jahon chempionatida ishtirok etgan ikkita terma jamoa bor.

- Bundan bir necha kun oldin O'zbekiston terma jamoasi vetnamlik futzalchilarga qarshi o'rtoqlik o'yinida maydonga chiqishdi. Ushbu uchrashuvda (3:3) durang natija qayd etildi. Menimcha Vetnam terma jamoasidan ko'p narsa kutsa bo'ladi. Yoki fikrimga qo'shilmaysizmi?
- Balki shunday bo'lgandir ammo “A” guruhida O'zbekiston va Livan terma jamoalari yaqqol favorit hisoblanadi.

- O'zbekiston terma jamoasi ushbu turnirda g'alaba qozonishi mumkinmi?
- Fikrimcha Eron, O'zbekiston, Yaponiya va Tailand terma jamoalari ushbu turnir favoritlari hisoblanishadi. Shu to'rtta terma jamoalardan biri bu yilgi Osiyo chempionatida g'olib bo'lish mumkin.

Sotvoldiev Jahongir suhbatlashdi.

Futzal. Qatar murabbiyi Tiago Lino De Souza: "Eron, O'zbekiston, Yaponiya va Tailand favorit"