- Декабрь ойида Ўзбекистон футзал терма жамоаси билан иккита ўртоқлик ўйинида майдонга тушдинглар. Ушбу терма жамоа ҳақида қандай фикр билдирасиз?
- Ўзбекистон терма жамоасида жуда яхши мураббий бор ва кучли футзалчилар бор. Улар жуда яхши тактикага эга, футзалчилари ҳам жисмонан жуда кучли. Айниқса стандарт вазиятлардан моҳирона фойдаланшади. Мен Пулписни жуда яхши биламан. У ушбу терма жамоаларда камида 4 ёки беш йилдан бери ишлаб келмоқда. Ушбу мусобақада Ўзбекистон терма жамоаси ғолиб бўлиш учун асосий даъвогар деб ҳисоблайман.

- Ўзбекистон терма жамоаси “А” гуруҳидан ўрин олган. Ушбу гуруҳ ҳақида қандай фикр билдирасиз?
- “А” гуруҳида Ўзбекистон ва Ливан терма жамоалари қолган икки терма жамоага қараганда кучли ҳисобланади. Менимча “А” гуруҳида Ўзбекистонга кучли бўлмаган жамоалар рақиблик қилади. Ўзимизнинг “D” гуруҳига келадиган бўлсак, Австралия терма жамоаси икки маротаба жаҳон чемпионатида иштирок этган. Менимча Япония терма жамоасини барча яхши билади. Бизнинг гуруҳимизда жаҳон чемпионатида иштирок этган иккита терма жамоа бор.

- Бундан бир неча кун олдин Ўзбекистон терма жамоаси вьетнамлик футзалчиларга қарши ўртоқлик ўйинида майдонга чиқишди. Ушбу учрашувда (3:3) дуранг натижа қайд этилди. Менимча Вьетнам терма жамоасидан кўп нарса кутса бўлади. Ёки фикримга қўшилмайсизми?
- Балки шундай бўлгандир аммо “А” гуруҳида Ўзбекистон ва Ливан терма жамоалари яққол фаворит ҳисобланади.

- Ўзбекистон терма жамоаси ушбу турнирда ғалаба қозониши мумкинми?
- Фикримча Эрон, Ўзбекистон, Япония ва Таиланд терма жамоалари ушбу турнир фаворитлари ҳисобланишади. Шу тўртта терма жамоалардан бири бу йилги Осиё чемпионатида ғолиб бўлиш мумкин.

Сотволдиев Жаҳонгир суҳбатлашди.

Футзал. Қатар мураббийи Тиаго Лино Де Соуза: "Эрон, Ўзбекистон, Япония ва Таиланд фаворит"