"Reshfordni sotib yuborilishi yoki boshqa klubga ijaraga berilishi haqida xabarlar tarqaldi. Shaxsan men Ruben Amorim bu kabi muhim qaror qabul qilsa, hayron qolmayman. Uning yo'qotadigan narsasi yo'q. Bu kabi holatlarni, iqtidorli futbolchilar o'zlarini muntazam ravishda ko'rsata olishmasa, "Manchester Yunayted"ni olg'a etaklay olishmasa, jamoadan ketishganini o'nlab yillar davomida guvohi bo'lyapmiz.
Agarda ser Aleks Fergyuson uzoq yillar davomida qilgan ishini yodga olsak… Bazan yulduzlar bilan muammo yuzaga kelgan, u esa vaziyatni o'z qo'liga olishi talab qilinardi. Norman Uaytsayd va Pol Makgrat uning faoliyati boshida ketishgan, keyin Yap Stam, Devid Bekxem, Roy Kin va Rud Van Nistelroy. "Ular ketishi mumkin emas" - deyilgan katta futbolchilar. Bu ishni u boshqalarga yoqadimi yoki yo'q, barchasini o'z nazoratiga olish uchun qilgan.
Bizni katta transfer oynasi kutib turibdi. Balki biz kutganchalikmasdir, lekin Garnacho va Reshford ketsa, oldinga tashlangan katta qadam bo'ladi. "Tozalash" ishlaridan keyin bir-ikkita futbolchi bilan shartnoma imzolansa ham hayron bo'lmayman.
Balki Ruben Amorim eng buyuk futbolchilarga yuzlanib: "Sizning kimligingizning ahamiyati yo'q, bu erda mening aytganim bo'ladi. Men klub standartlarini belgilayman va siz ushbu talablarga javob bermasangiz, qanchalik iqtidorli bo'lmang, transfer narxingiz qancha bo'lmasin, muxlislar bu haqida nima demasin, sizga qanday pul to'lashmasin – bu erdagi vaqtingiz nihoyasiga etadi, deyishi kerakdir", – dedi "Manchester Yunayted" sobiq sardori "The Overlap" podkastida.

Gari Nevill: "Garnacho va Reshford ketsa, MYU uchun oldinga tashlangan katta qadam bo'ladi"