"Рэшфордни сотиб юборилиши ёки бошқа клубга ижарага берилиши ҳақида хабарлар тарқалди. Шахсан мен Рубен Аморим бу каби муҳим қарор қабул қилса, ҳайрон қолмайман. Унинг йўқотадиган нарсаси йўқ. Бу каби ҳолатларни, иқтидорли футболчилар ўзларини мунтазам равишда кўрсата олишмаса, "Манчестер Юнайтед"ни олға етаклай олишмаса, жамоадан кетишганини ўнлаб йиллар давомида гувоҳи бўляпмиз.
Агарда сэр Алекс Фергюсон узоқ йиллар давомида қилган ишини ёдга олсак… Баъзан юлдузлар билан муаммо юзага келган, у эса вазиятни ўз қўлига олиши талаб қилинарди. Норман Уайтсайд ва Пол Макграт унинг фаолияти бошида кетишган, кейин Яп Стам, Дэвид Бекхэм, Рой Кин ва Руд Ван Нистелрой. "Улар кетиши мумкин эмас" - дейилган катта футболчилар. Бу ишни у бошқаларга ёқадими ёки йўқ, барчасини ўз назоратига олиш учун қилган.
Бизни катта трансфер ойнаси кутиб турибди. Балки биз кутганчаликмасдир, лекин Гарначо ва Рэшфорд кетса, олдинга ташланган катта қадам бўлади. "Тозалаш" ишларидан кейин бир-иккита футболчи билан шартнома имзоланса ҳам ҳайрон бўлмайман.
Балки Рубен Аморим энг буюк футболчиларга юзланиб: "Сизнинг кимлигингизнинг аҳамияти йўқ, бу ерда менинг айтганим бўлади. Мен клуб стандартларини белгилайман ва сиз ушбу талабларга жавоб бермасангиз, қанчалик иқтидорли бўлманг, трансфер нархингиз қанча бўлмасин, мухлислар бу ҳақида нима демасин, сизга қандай пул тўлашмасин – бу ердаги вақтингиз ниҳоясига етади, дейиши керакдир", – деди "Манчестер Юнайтед" собиқ сардори "The Overlap" подкастида.
Изоҳлар