"Barselona" klubi yarim himoyachisi Gavi "Alaves"ga qarshi o'yinda raqib futbolchisi Tomas Konechni bilan to'qnashib ketdi. Ikki futbolchi ham boshi bilan o'zaro urilganidan so'ng Konechnini maydondan maxsus mashinada olib chiqib ketishdi. Gavi esa o'yinni davom ettirishni istadi, ammo klub shifokorlari unga o'ynashga ruxsat berishmadi.

O'yindan keyin klub prezidenti Joan Laporta Gavining holati bo'yicha malumot berdi.

"Hammasi yaxshi, Gavi bilan gaplashib oldim. Zarba juda kuchli bo'ldi, u o'yinni davom ettirmoqchi edi. Gavi hozir Konechni bilan birga shifoxonada. Vaziyat juda yomon bo'ldi, ammo muxlislar xavotir olishmasa ham bo'ladi", -deydi Joan Laporta.

Gavining holati bo'yicha malumot berildi