"Барселона" клуби ярим ҳимоячиси Гави "Алавес"га қарши ўйинда рақиб футболчиси Томас Конечни билан тўқнашиб кетди. Икки футболчи ҳам боши билан ўзаро урилганидан сўнг Конечнини майдондан махсус машинада олиб чиқиб кетишди. Гави эса ўйинни давом эттиришни истади, аммо клуб шифокорлари унга ўйнашга рухсат беришмади.

Ўйиндан кейин клуб президенти Жоан Лапорта Гавининг ҳолати бўйича маълумот берди.

"Ҳаммаси яхши, Гави билан гаплашиб олдим. Зарба жуда кучли бўлди, у ўйинни давом эттирмоқчи эди. Гави ҳозир Конечни билан бирга шифохонада. Вазият жуда ёмон бўлди, аммо мухлислар хавотир олишмаса ҳам бўлади", -дейди Жоан Лапорта.

Гавининг ҳолати бўйича маълумот берилди