"Биз жуда ҳам ҳаяжонли ўйин бўлишини кутгандик. Аммо биринчи таймни бутунлай барбод қилдик, жуда кучсиз ўйнадик ва гол ўтказиб юбордик. Иккинчи таймда ўзгаришлар амалга оширдик ва рақиб дарвозаси олдида вазиятлар пайдо бўла бошлади.

Сўнгги дақиқаларда вабанк қилдик ва тўлиқ ҳужумга ўтдик. Ҳимоячиларни олдинга сурдик, гол уришга уриндик, афсуски ўз дарвозамиздан иккинчи голни олиб чиқдик. "Бухоро" бугун биздан яхшироқ ўйнади, уларни ғалаба билан табриклайман. Кейинги ўйинларда омад тилайман. Жамоа мухлисларини ҳам табриклайман. Биз эса ишлашда давом этамиз, хатолар устида ишлаймиз. Кейинги ўйинларга тайёргарлик кўрамиз, "Бухоро" билан вазифамиз бошқа-бошқа", - деди Кочнев.

- Айнан қандай вазифа қўйилган?
- Ҳозир турнир жадвалида пастдамиз, кўтарилишимиз керак. Кучли бешликда бўлганимизда яхши бўларди. Балки 6, балки 7-ўринни олармиз. Ҳаракат қиламиз, ҳар бир ўйинда курашамиз. Суперлигага чиқиш учун курашаётган жамоаларга қарши ўйнаб бўлдик ва энди ўз рақобатчиларимиз билан тўқнаш келамиз. Вазифамиз мусобақа жадвалида имкон қадар юқорига кўтарилиш.

Геннадий Кочнев: "Бухоро" ва "Ғиждувон"нинг вазифаси бошқа-бошқа"