Mutaxassis deyarli bir xil natijalar bilan "Chelsi"ni "Brayton"ga aylantirdi. Potter sentyabr oyida "Stemford Brij"dagi jamoa boshqaruvini Tomas Tuxeldan qabul qilib olgandi. U "Chelsi" murabbiyi sifatida qiyin davrni boshdan kechirdi.

47 yoshli murabbiy katta mablag' bilan qurilgan "ko'klar"dan yaxshi natija chiqarishga urinmoqda. Birgina qishki transferlar oynasida London klubi 600 mln funt sarfladi.

Endi statistikalar shuni ko'rsatyaptiki, Grem Potter yangi jamoasida o'tgan mavsumda "Brayton"da qayd etgan natijasi bilan deyarli bir xil natijani takrorladi.

"Chelsi" joriy mavsumda 23 ta o'yindan so'ng Premer-ligada 10-o'rinda bormoqda. Ular 8 ta o'yinda g'alaba qozonishdi, 7 ta o'yin durang bilan tugadi va 8 o'yinda mag'lubiyat qayd etildi. Jami 23 ta gol urib, xuddi shuncha o'tkazib yubordilar. Turnir yakuniga 15 o'yin qolganida "Chelsi" hisobida 31 ochko mavjud.

Taqqoslash uchun, "Brayton" 2021/22 yilgi mavsumda 23 ta o'yindan so'ng 7 ta g'alaba, 12 tadurang va 4 ta mag'lubiyatga uchragandi. 25 ta gol urib, 23 ta o'tkazib yuborgan jamoa bu paytgacha 33 ochko to'plagan edi.

Tuxel ushbu mavsum avvalida "ko'klar"ni 6 ta o'yinda maydonga olib tushdi va 3 ta g'alaba, 1 ta durang va 2 ta mag'lubiyat bilan turnir jadvalining 6-pog'onasini band qilgan edi.

"Stemford Brij" rahbariyati Grem Potterga ishonch bildirishda davom etmoqda.

Grem Potter "Chelsi"ni "Brayton"ga aylantirdi