"Jamoalar jangovor o'yin ko'rsatishdi.Maydonning har bir qismida va havoda ko'plab kurashlar kuzatildi. Namanganliklar osonlikcha taslim bo'lisha emas, o'ynash uchun kelganini ko'rsatdi. "Navbahor"da uch ochko bilan ortga qaytish istagi katta edi. Ikkinchi bo'limda ikki tezkor gol urganimiz o'yinni o'zgartirib yubordi. Bellashuv qiziqarli o'tdi deb o'ylayman.

Raqib himoyasini yorish uchun har ikki qanotlardan samarali foydalanish talab etilardi. Qanotlardan hujum tashkil etganimizda ko'proq bo'shliqlarga ega bo'lishimizni bilardik. Oqibatda bu taktika ikkinchi bo'limda ish berdi. Albatta hujumga o'tishimiz unchalik yaxshi bo'lmadi. Bu birinchi bo'limda sezildi.

Biz bugun "Navbahor" asosiy tarkibida Pishur maydonga tushishini rejalashtirgandik. U xatto qaydnomaga ham kiritilmadi. Aslida biz namanganliklar safida ukrainalik legioner maydonga tushishini o'ylab, shunga yarasha tayyorgarlik ko'rgandik.

Navbatda bizlarni “Lokomotiv” bilan jiddiy o'yin kutib turibdi. Oliy liga etakchilaridan biri bo'lgan “Bunyodkor”ga qarshi o'yinni boy berdik, o'z maydonimizda “Nasaf”ga ochko oldirdik. Hozir ushbu yo'qotilgan ochkolar bizga etishmayapti. “Temiryo'lchilar” ko'p gol urib, kam to'p o'tkazishmoqda. Navbatdagi bellashuvda har ikki jamoa qiziqarli futbol namoyish etishlarini kutmoqdaman. Shogirdlarim ham nimaga qodirligini ko'rsatishlariga umid qilaman", - deydi murabbiy.

Grigoriy Kolosovskiy: "Navbahor"ning asosiy tarkibida Pishur maydonga tushishini kutgandik"