Россиянинг "Спорт-Экспресс" нашри ёрқин, аммо қисқа муддатли лойиҳанинг тақдири ҳақида материал тайёрлади. Унда Маҳачқальа клуби бош директори жамоанинг собиқ устози Гус Хиддинк етакчи футболчилар — Самюэль Это'О ҳамда Юрий Жирков ўртасидаги келишмовчиликни қандай қилиб ҳал этишгани ҳақида гапириб берди:

"Это'О ва Жирков ўртасида зиддият пайдо бўлди, улар деярли урушиб қолишганди. Гус муаммони ажойиб тарзда ҳал қилди. У ҳар 2 футболчи билан учрашув белгилади. Биздан эса фақат 3 киши кира оладиган меҳмонхонадаги энг кичик хонани топишни сўради. Суҳбат эрталаб 10:00 га режалаштирилган эди, аммо нидерландиялик мураббий хонага 10:30 да кириб келди. Шунда ҳар 2 футболчи бир овоздан шундай деди: "Жаноб, муҳокама қилинадиган мавзу йўқ. Биз келишиб олдик".

Гус Хиддинк Это'О ва Жирков ўртасидаги зиддиятни қандай ҳал қилганди?