- "Messi futbolni boshqacha o'ynaydi. Uning uchun bir o'yinda uchta gol urish normal holat" (Karlos Teves hamyurti Lionel Messi haqida)

- "Bu - jahon chempionati. Har bir meksikalik u erga borishni orzu qiladi. Biz yaxshi natija ko'rsatish uchun bor kuchimiz bilan harakat qilamiz". (Meksika terma jamoasi futbolchisi Jovanni dos Santos JCHni orziqib kutayotgani haqida)

- "Zamonaviy futbolda to'psiz o'ynash juda muhim. Shuningdek, o'tish davrini ham esdan chiqarmaslik kerak. "Manchester Siti" ayni paytda dunyoning eng kuchli klubi bo'lishi mumkin, lekin ular ham birdaniga bu darajaga kelib qolgani yo'q. Barcha jamoalar o'tish davrini boshdan kechirishadi. Jahon chempionatida biz uchun eng muhimi, guruhdan chiqib olish, undan keyin nima bo'lishini vaqt ko'rsatadi. Men jamoam guruhdan chiqishiga ishonaman, yo'qsa bu erga kelmagan bo'lardim". (Avstraliya terma jamoasi bosh murabbiyi Bert va Marveykning matbuot anjumanida aytgan gaplari)

- "Bu klub klub ulkan tarixga ega. Jamoa safida ko'plab buyuk futbolchilar o'ynagan. Shulardan biri - Terri Anri. Anri men uchun har doim idel hujumchi bo'lgan va shunday bo'lib qoladi. U ko'plab gollar urgan, men ham unga o'xshashga harakat qilaman". (Yaqindagina "Arsenal"ga o'tgan Per-Emerik Obameyang kimga o'xshashni xohlashi haqida)

- "Qo'rqinchli tush o'tdi-ketdi. Biz hozir uyg'oqmiz. 1:7 hisobidagi mag'lubiyatni unutish uchun navbatdagi to'qnashuvda ularni engishimiz kerak. Oldimizda boshqa yo'l yo'q. Germaniya - kuchli, lekin biz ulardan ham kuchlimiz". (Braziliya terma jamoasi bosh murabbiyi Tite jahon chempionatida Germaniyaga qarshi o'ynashni naqadar xohlayotgani haqida)

- "To'g'risini aytaymi, menimcha favorit bu - "Manchester Siti". Lekin bu safar chempionlar ligasida zafar quchish oson bo'lmaydi, hamma kuchayishga harakat qilmoqda. Lekin men uchun "Siti" favorit". (Karlo Anchelotti bu yil ECHLda kim g'olib chiqishi haqida)

- "Mening o'z uyim bor va qo'shnilarim nima qilishini bilmayman. Men doim o'z oilam va kuchugimdan xavotir olaman. Qo'shnilarimga esa salom deb qo'yaman va bo'ldi. Ammo ularning ishiga aralashmayman". ("Suonsi" bosh murabbiyi Karlos Karvalxal "Lester" futbolchisi Riyad Maxrez qanchalik xavfli ekani haqida)

- "Menga yoqadigan serialmi? Bu shubhasiz "Taxtlar jangi" (Game of Thrones). Men uning ettita mavsumini ko'rib tugatdim. Nafaqat bir o'zim, balki murabbiylar shtabidagi hamma shuni ko'radi. Biz uchun futbol birinchi o'rinda, undan keyin serial". ("Tottenxem" bosh murabbiyi Maurisio Pochettino qaysi serialni ko'rishi haqida)

Hafta iqtiboslari. Mashhurlardan eng sara fikrlar