- "Hayotda kimnidir yo'qotish og'ir. Men yoshligimda uni TV orqali ko'p bor eshitganman va ko'rganman. U jahon chempionati bahslarini ajoyib sharhlardi. U futbolning haqiqiy ovozi edi. Men uning ovozidan tasirlanib futbolga kirib kelganman deya olaman" (Tim Keyxill 71 yoshida olamdan o'tgan avstraliyalik afsonaviy sharhlovchi Les Myurrey haqida)

- "Bu oson bo'lmadi. Men ko'p o'yladim va yakunda hayotimda nimanidir o'zgartirishim kerak degan qarorga keldim. To bir fikrga kelmagunga odamlar bilan bu haqda gaplashmadim, faqat yakuniy qarordan so'nggina o'z fikrlarim bilan o'rtoqlashdim. Men yuragimga quloq solganimda, u menga Parijga bor dedi". (Neymarning "Barselona"dan PSJga o'tgach matbuot anjumanida aytgan gapi)

- "Neymar bilan birga o'tkazgan yillarimdan xursandman, u haqiqiy o'rtoq. Men unga faoliyatining yangi bosqichida omad tilab qolaman. Seni ko'p yaxshi ko'raman". (Messinning Neymarga atab yozgan xayrlashuv so'zlari)

- "Barsa"da nimaga erishgan bo'lsang, bu bir umr tarixda qoladi. Senga o'xshagan futbolchilar klubni buyuk qilishadi". (Pikening Neymar haqida aytgan oxirgi gapi)

- "Men "Los Anjeles"ning keyingi 33 o'yinida eng katta muxlisiga aylanaman. Men "Toronto"ni sevaman, "Toronto" - mening uyim va bu erdan hech qayoqqa ketmayman. Ammo endi otam uchun ham "Los Anjeles"ga muxlislik qilaman". ("Toronto" sardori Maykl Bredli otasi Bob Bredli "Los Anjeles" bosh murabbiyi etib tayinlanganidan so'ng)

- "Men har doim futbol haqida gapiryapman va Mourinodan qo'ng'iroq bo'lishini kutyapman. Bu umrbod davom etishi ham mumkin. Lekin menimcha, Mourino oxirgi kungacha kutadi va shundan keyin qo'ng'iroq qiladi" (Yamaykalik mashhur sprinter Useyn Bolt MYU safiga qo'shilish uchun Joze Mourinodan hamon taklif kutayotgani haqida)

- "U "Borussiya Dorutmund"dagi eng muhim o'yinchi. Har qanday futbolchining o'rnini to'ldirish mumkin, lekin gap Obameyang haqida borar ekan o'ylab qolasan. Jamoaning 20 foiz o'yini aynan unga bog'liq" ("Borussiya" D sobiq bosh murabbiyi Ottmar Xitcfeldning Per-Emerik Obameyang haqida fikri)

- "Hech qachon bo'sh kelma! Xoh hayotda, xoh sportda. Orzularing ro'yobga chiqishidan aslo voz kechma. Nimagadir erishishni xohlasang, bunga albatta erishasan" (Ayollar futboli bo'yicha Evropa chempionati to'purari Jodi Teylorning matbuotga bergan intervyusidan)

- "Yurgen Klopp futbolchilardan nima xohlashni biladi. Agar biz to'pni yo'qotsak birinchi qilinadigan ish yo'qotilgan to'pga qarab borish, orqaga qaytib to'psiz himoyalanish emas. Biz yaxshi himoyalanamiz va jamoada himoya hujumdan boshlanadi. Klopp kuchli murabbiy, u to'g'riso'z, shu bilan birga hamma ishni yurakdan bajaradi". ("Liverpul" himoyachisi Joel Matipning bosh murabbiy Yurgan Klopp haqida aytgan fikri)

- "Menda ikkita mashina bor, lekin haydovchilik guvohnomam yo'q. Hozirda tog'am meni Dortmund ko'chalari bo'ylab sayr qildiradi. Men guvohnomani Franciyada olsam kerak". ("Borussiya" futbolchisi Usmon Dembele hali mashina hayday olmasligi haqida)

X.Xoliqov tayyorladi.

Hafta iqtiboslari. Neymar, Messi, Useyn Bolt, Usmon Dembele va boshqalardan eng sara fikrlar