-O'ziga xos voha “derbi”si nomni olgan uchrashuvda muxlislar shiddatli futbolning guvohi bo'lishdi, - deya so'z boshladi Hamidjon G'ulomovich. - Avvalo shunday muhim o'yinda bizni qo'llab-quvvatlagan muxlislarimizga katta rahmat! Afsuski, biz bugun ularni xursand qila olmadik. Uchrashuvni jamoamiz yomon boshlamagandi. Biroq yigitlarimiz berilgan ko'rsatmalarini to'liq bajara olishmadi.

“Buxoro” jamoasi o'yinlarini ko'rib tahlil qilgandik. Raqib jiddiy, ammo ularga qarshi g'alaba uchun maydonga tushgandik. Lekin so'nggi daqiqalarda yarim himoyachimiz Sherali Jo'raevning keraksiz vaziyatda qizil kartochka olgani jamoamiz uchun qimmatga tushdi. Nachora, bu futbol! G'alaba va mag'lubiyat yonma-yon yuradi. Bugun kamida bir ochkoni qo'lga kiritishimiz ham mumkin edi. Afsus, muhim uch ochkoni qo'ldan chiqardik.

Hayot esa davom etyapti. Navbatdagi turda Qarshida “Nasaf”ga qarshi maydonga tushamiz. Unda albatta, muxlislarimiz uchun ijobiy natija taqdim etish uchun harakat qilamiz.

Qizilqum PFK Matbuot xizmati.

Hamidjon Aktamov: Muhim uch ochkoni qo'ldan chiqardik