—Ўзига хос воҳа “дерби”си номни олган учрашувда мухлислар шиддатли футболнинг гувоҳи бўлишди, — дея сўз бошлади Ҳамиджон Ғуломович. — Аввало шундай муҳим ўйинда бизни қўллаб-қувватлаган мухлисларимизга катта раҳмат! Афсуски, биз бугун уларни хурсанд қила олмадик. Учрашувни жамоамиз ёмон бошламаганди. Бироқ йигитларимиз берилган кўрсатмаларини тўлиқ бажара олишмади.

“Бухоро” жамоаси ўйинларини кўриб таҳлил қилгандик. Рақиб жиддий, аммо уларга қарши ғалаба учун майдонга тушгандик. Лекин сўнгги дақиқаларда ярим ҳимоячимиз Шерали Жўраевнинг кераксиз вазиятда қизил карточка олгани жамоамиз учун қимматга тушди. Начора, бу футбол! Ғалаба ва мағлубият ёнма-ён юради. Бугун камида бир очкони қўлга киритишимиз ҳам мумкин эди. Афсус, муҳим уч очкони қўлдан чиқардик.

Ҳаёт эса давом этяпти. Навбатдаги турда Қаршида “Насаф”га қарши майдонга тушамиз. Унда албатта, мухлисларимиз учун ижобий натижа тақдим этиш учун ҳаракат қиламиз.

«Қизилқум» ПФК Матбуот хизмати.

Ҳамиджон Актамов: «Муҳим уч очкони қўлдан чиқардик»