"Xalq jamoasi hisoblangan "Paxtakor"ga o'tganimdan xursandman. Olimpiya terma jamoasidagi ishtirokimizni yakunlab, yangi klubimga qo'shildim. Bugun sobiq klubimiz "Olimpik"ka qarshi o'ynadik va shu orqali O'zbekiston chempionatiga tayyorgarlikni davom ettirdik", - dedi Ibrohim Ibragimov.

- Jamoadagi muhit qanday?
- “Paxtakor”dagi muhit alo darajada, yaxshi kutib olishdi. Ko'pchilik futbolchilar tanish, tengqurlarim ham bor, akalarimiz ham bor. Bir oila bo'lib harakat qilyapmiz.

- Bosh murabbiy bilan gaplashib oldingizmi? U sizga nimalar dedi?
- Bosh murabbiy va rahbariyat bilan gaplashib oldik. O'zbekiston chempionatida g'olib bo'lish, mamlakat kubogini ham qo'lga kiritish kerak. Elit Osiyo chempionlar ligasida ham maksimal ishtirok etishni maqsad qilganmiz.

- Shaxsiy maqsadlaringiz qanday?
- Bu yilgi maqsadim, avvalo, “Paxtakor” bilan yaxshi natijalar ko'rsatish. Yana bir maqsadim – O'zbekiston milliy terma jamoasida o'ynash. Kelajakda esa Evropaning eng yaxshi klublarida to'p tepish.

Ibrohim Ibragimov: "Maqsadim – "Paxtakor" bilan yaxshi natijalar ko'rsatish"