Ayni payt Toshkentda davom etayotgan mashg'ulotlarga barcha futbolchilar etib kelishga ulgurdi. Legioner hujumchimiz Igor Sergeev kechagi mashg'ulot avvalida oldindagi o'yinlar va "Paxtakor"ga qaytishi haqidagi savollarga javob berib o'tdi.

"Terma jamoada taassurotlar yaxshi. Tayyorgarlik davom etmoqda. Dastlabki kunlarda ko'p yuklamalar berildi. Qolgan hammasi ko'ngildagidek. Yigitlar bo'lajak o'yinlar oldidan masuliyatni tushunib turishibdi. Muhimi futbolchilarda kayfiyat pozitiv",- dedi Igor Sergeev.

- "Paxtakor"ga qaytishingiz haqidagi gap-so'zlarga aniqlik kirita olasizmi?
- Yo'q. Bu shunchaki mish-mish. Ochig'i bu aniq narsa emas. Turli gaplar qulog'imga chalindi. "Paxtakor" men o'sgan klub. Har doim ular bilan aloqadaman. Nima bo'lishini vaqt ko'rsatadi

- Saralashdagi raqiblarimiz o'rganilyaptimi? Ular haqida nimalarni bilasiz?
- Raqiblarni hurmat qilamiz. Ulardan ikki karra ustun bo'lishimiz kerak. Futbolda hamma narsa ro'y berishi mumkin. Jamoadoshlarim vaziyatni to'g'ri baholashmoqda.

Igor Sergeev "Paxtakor"ga qaytishi haqidagi mish-mishlarga oydinlik kiritdi