Айни пайт Тошкентда давом этаётган машғулотларга барча футболчилар етиб келишга улгурди. Легионер ҳужумчимиз Игорь Сергеев кечаги машғулот аввалида олдиндаги ўйинлар ва "Пахтакор"га қайтиши ҳақидаги саволларга жавоб бериб ўтди.

"Терма жамоада таассуротлар яхши. Тайёргарлик давом этмоқда. Дастлабки кунларда кўп юкламалар берилди. Қолган ҳаммаси кўнгилдагидек. Йигитлар бўлажак ўйинлар олдидан масъулиятни тушуниб туришибди. Муҳими футболчиларда кайфият позитив",- деди Игорь Сергеев.

- "Пахтакор"га қайтишингиз ҳақидаги гап-сўзларга аниқлик кирита оласизми?
- Йўқ. Бу шунчаки миш-миш. Очиғи бу аниқ нарса эмас. Турли гаплар қулоғимга чалинди. "Пахтакор" мен ўсган клуб. Ҳар доим улар билан алоқадаман. Нима бўлишини вақт кўрсатади

- Саралашдаги рақибларимиз ўрганиляптими? Улар ҳақида нималарни биласиз?
- Рақибларни ҳурмат қиламиз. Улардан икки карра устун бўлишимиз керак. Футболда ҳамма нарса рўй бериши мумкин. Жамоадошларим вазиятни тўғри баҳолашмоқда.

Игорь Сергеев "Пахтакор"га қайтиши ҳақидаги миш-мишларга ойдинлик киритди