Xayrulla Abdiev – Farhod Safarov boshqaruvidagi jamoa debyut yili bo'lishiga qaramay, raqiblariga jiddiy tashvish tug'dira oldi. Tarkibda etakchi ijrochilar talaygina bo'lgani uchun ham jamoa qiynalib qolmadi. Munosib xomiyga ega bo'lgan jamoa shunga monand o'z safiga ilgari birinchi va oliy ligada o'ynagan futbolchilarni qo'shib oldi. Buning natijasida “Obod” chempionatni 3-o'rinda yakunladi.

Ikkinchi bosqichda “Obod”ning qaydlari quyidagicha bo'ldi.

O'yinlar	16
Gollar	39
Uyda	23 (58,97%)
Safarda	16 (41,03%)
O'tkazib yuborilgan gollar	14
Uyda	4 (28,57%)
Safarda	10 (71,43%)
O'rtacha urilgan gollar	2,44
O'rtacha o'tkazib yuborilgan gollar	0,88
Uydagi ochkolar	20/24 (83,33 %)
Safardagi to'plangan ochkolar	18/24 (75 %)
Eng yirik g'alaba	6:1 - "G'allakor-Avtomobilchi"
Eng yirik mag'lubiyat	2:3 - "Sho'rtan"
Gol o'tkazmagan o'yinlar	6 (37,5%)
Gol ura olmagan o'yinlar	2 (12,5%)
Irodali g'alaba	3
Irodali durang	1
Irodasiz mag'lubiyat	0
Irodasiz durang	0
Yirik g'alaba	5
Yirik mag'lubiyat	0
Avtogol (urilgan/o'tkazib yuborilgan)	3/0
Ogohlantirish (o'rtacha)	41 (2,56)
Chetlatish (o'rtacha) – To'g'ridan-to'g'ri/2SK	1 (0,06) - 1/0
Muxlislar (jami/o'rtacha)	6753/422

Toshkentliklar ikkinchi bosqich davomida raqiblar darvozasi tomon 39 bor yo'l topa olishdi. Jamoa safida eng ko'p gol urgan futbolchi Rasul Shuhratov bilan Sanjar To'raqulov bo'ldi. Ilgari “Bunyodkor” yoshlar jamoasidagi yorkin o'yinlari bilan futbol ishqibozlariga yaxshi tanish bo'lgan hujumchi ikkinchi bosqichda o'z hisobiga 7ta gol yozdirib qo'ydi. Shuningdek Rasul kabi oldin “Quruvchi”da (hozirgi “Bunyodkor” - muallif) o'ynagan Sanjar To'raqulov ham bu yil “Obod” tarkibida harakat qildi. qashqadaryolik futbolchi raqiblar darvozasi tomon belgilangan penaltilarni o'zi amalga oshirdi. To'raqulov ikkinchi bosqichda kiritgan 7ta golidan 4tasini penaltidan kiritgan.

Kim qancha gol urdi?

Futbolchi	Gol	pen.
Rasul Shuhratov	7
Sanjar To'raqulov	7	(4)
Javohir Qaxramonov	4
Nodir Mavlonov	4
Elyor Akbarov	4
Bilol Toshmirzaev	3
Doniyor Hasanov	3
Aziz G'ulomxo'jaev	1
G'ayrat Umirov	1
Kamoliddin Tojiboev	1
Obid Hakimov	1

Islombek Rustambekov

Ikkinchi bosqich yakunlari. Ilk mavsumidayoq bronza egasi bo'lgan “Obod” haqida