O'yin haqida

- Bugun mag'lubiyatga uchradik. Futbolchilar raqibni "oldindan yutgan" holda maydonga chiqishdi. Har qanday raqibni hurmat qilish kerak. O'zlaring ko'rdinglar, bugungi o'yinda bironta xavfli vaziyat ham bo'lmadi. Bu mag'lubiyatdan so'ng to'xtab qolmaymiz.

Bugun Pro-liganing 5 ta turi davomida o'yin amaliyotiga ega bo'lmagan futbolchilarni maydonga tushirgandik. Lekin ular ham tajribali, mahoratli futbolchilar hisoblanishardi. Bugun yutqazishga haqqimiz yo'q edi. Oldinda ikkita o'yinimiz bor, bu uchrashuvlarda g'alaba qozonib keyingi bosqichga chiqishga harakat qilamiz.

- "Sho'rtan" bugun mavsumdagi ilk g'alabasini kuchli raqib ustidan qo'lga kiritdi. Bugungi mag'lubiyatni qanday izohlaysiz?

- Aytib o'tdim, bugun yigitlar "o'yindan oldin raqibni yutib" maydonga tushishdi. Raqibga hurmat bilan qaramaganimiz pand berdi. Biz o'yindan oldin futbolchilarga yuqori pressingda o'ynash, pozicion hujumlar tashkil etish va standart vaziyatlarda hushyor bo'lishlarini takidlagan edik. Bugungi o'yinga ruhiyat ham tasir ko'rsatdi. Raqibga nisbatan hurmat bilan qaramaganimiz evaziga mag'lub bo'ldik. Murabbiylar shtabi bilan xatolar ustida ishlaymiz.

Ilhom Mo'minjonov: "Bugun futbolchilarim "Sho'rtan"ni "o'yindan oldin yutib" maydonga tushishdi"