O'yin haqida

- Kubok o'yinlariga jiddiy tayyorgarlik ko'rgan edik. "Qizilqum" jamoasi bugungi o'yin oldidan 6 ochkoga ega edi va ular keyingi bosqich masalasini hal etib bo'lishgandi. Bizda ham imkoniyat saqlanib turgandi. Biz bugun g'alaba qozonib keyingi bosqichga chiqmoqchi edik. Lekin o'yin durang bo'ldi. Shunday bo'lsa ham 3-o'rin bilan navbaidagi bosqichga chiqdik. Xavfli vaziyatlarimiz bo'ldi, yarim himoya va hujum chizig'imizda o'ynagan futbolchilarimiz unumli foydalanishmadi. Bugun qo'lga kiritilgan bir ochko va navbatdagi bosqichga chiqqanimiz bilan futbolchilarimiz va muxlislarimizni tabriklayman. Endi qurani kutamiz, agar Superliga jamoalari bilan tushsak yaxshi o'ynab keyingi bosqichlarga chiqishimizga umid qilamiz. Futbolchilar Superliga jamoalari bilan o'ynab o'zlarini sinab ko'rishga intilishmoqda.

- Kubok uchrashuvlarida 3 ta o'yinda jami 4 ochko qo'lga kiritildi. Bu jamoa uchun normal xolatmi?

- Endi kubok uchrashuvlarining birinchi va ikkinchi turida biz asosan o'yin amaliyoti kam bo'lgan futbolchilarga imkoniyat berdik. Rahbariyat bizga keyingi bosqich vazifasini qo'ygan edi. Bugun guvohi bo'lganlaringdek, 3-turda baribir asosiy tarkibni tushirdik. Chunki bu o'yin orqali Pro-liganing navbatdagi turiga tayyorgarlik ko'rishimiz zarur edi. Biz navbatdagi bosqich yo'llanmasini qo'lga kiritdik, bu yutuq bilan barchani tabriklayman.

- Bugungi o'yindan kelib chiqib aytsak, jamoangiz Superliga klublari bilan o'ynashga qay darajada tayyorligini ko'rib oldingiz?

- Aytib o'tdim, kubok uchrashuvlari orqali Superliga jamoalari bilan o'ynab o'zimizni sinab ko'rmoqchimiz. Pro-ligadan 3-4 klub navbatdagi bosqichga chiqdi. Rahbariyat bizga ham keyingi bosqich vazifasini qo'ygan, shunday ekan chiqishimiz shart edi. Oldimizga Pro-ligada chempion bo'lish va kubok uchrashuvlarida imkon qadar uzoqroqqa borish vazifasi turibdi.

Ilhom Mo'minjonov: "Oldimizga Pro-ligada chempion bo'lish va kubokda imkon qadar uzoqroqqa borish vazifasi turibdi"