"Yigitlar oldiga qo'ygan vazifani bajarishdi. Kema portga etib keldi. Endi har tomonlama biroz dam olamiz. "Qiziriq" haqida ijobiy fikr bildirishim mumkin. Yaxshi shakllangan va qiziqarli jamoa. O'z chempionatida birinchi o'rinda ketmoqda. "Bunyodkor" muxlislariga qo'llab-quvvatlashgani uchun rahmat aytmoqchiman. Jamoa yaxshi o'ynaganda ham, yomon o'ynaganda ham ular biz bilan birga. Umuman barchaga minnatdorchilik bildiraman",- deydi Ilyos Zeytullaev.

- Bu tarkibni mavsum boshida siz yig'magan edingiz. Shunday ekan qiyinchiliklar bo'lgani tabiiy. Ikkinchi davraga qanday jamoani qurishni istayapsiz?

- Hozirda birinchi etiborni tiklanishga qaratishimiz kerak. Jamoaga kelganimdan beri bir kun ham to'xtaganimiz yo'q. Ikkinchi davrada xato qilishga haqqimiz yo'q. Qaysidir poziciyalarni kuchaytirishimiz mumkin. Rahbariyat bu borada ish olib bormoqda.

- "Qiziriq" bilan ikkinchi o'yindirki muammoga uchradi. Bunday o'yinlarda odatda yirik hisob kutiladi...

- Muxlislarni to'g'ri tushunaman. To'g'ri, birinchi bo'limda ayrim vaziyatlarda juda sekin harakat qildik. Muhimi yigitlar vazifani uddasidan chiqishdi va g'alaba qozonishdi.

Ilyos Zeytullaev: "Ikkinchi davrada xato qilishga haqqimiz yo'q"