"Йигитлар олдига қўйган вазифани бажаришди. Кема портга етиб келди. Энди ҳар томонлама бироз дам оламиз. "Қизириқ" ҳақида ижобий фикр билдиришим мумкин. Яхши шаклланган ва қизиқарли жамоа. Ўз чемпионатида биринчи ўринда кетмоқда. "Бунёдкор" мухлисларига қўллаб-қувватлашгани учун раҳмат айтмоқчиман. Жамоа яхши ўйнаганда ҳам, ёмон ўйнаганда ҳам улар биз билан бирга. Умуман барчага миннатдорчилик билдираман",- дейди Илёс Зейтуллаев.

- Бу таркибни мавсум бошида сиз йиғмаган эдингиз. Шундай экан қийинчиликлар бўлгани табиий. Иккинчи даврага қандай жамоани қуришни истаяпсиз?

- Ҳозирда биринчи эътиборни тикланишга қаратишимиз керак. Жамоага келганимдан бери бир кун ҳам тўхтаганимиз йўқ. Иккинчи даврада хато қилишга ҳаққимиз йўқ. Қайсидир позицияларни кучайтиришимиз мумкин. Раҳбарият бу борада иш олиб бормоқда.

- "Қизириқ" билан иккинчи ўйиндирки муаммога учради. Бундай ўйинларда одатда йирик ҳисоб кутилади...

- Мухлисларни тўғри тушунаман. Тўғри, биринчи бўлимда айрим вазиятларда жуда секин ҳаракат қилдик. Муҳими йигитлар вазифани уддасидан чиқишди ва ғалаба қозонишди.

Илёс Зейтуллаев: "Иккинчи даврада хато қилишга ҳаққимиз йўқ"