Avvalroq "Lids" Jessi Marshni bosh murabbiylikdan bo'shatgandi. OAV ma'lumotlariga ko'ra, amerikalik mutaxassis o'rniga Andoni Iraola asosiy nomzod bo'lgan. Ispaniyalik murabbiy hatto "Lids"dan rasmiy taklif olgan. Biroq "Onda Cero" xabariga ko'ra, taklif rad etilgan. Iraolaning maqsadi – "Rayo Valekano"da ishlashni davom ettirish.
40 yoshli ispaniyalik juda yaxshi yo'nalishda ketayotgan loyihadan voz kechmoqchi emas. Ayni damda Madrid yaqinidagi jamoa Ispaniya chempionatida 5-o'rinni egallab turibdi.
Hozirda "Lids"ni vaqtinchalik Maykl Skubala boshqarmoqda. "Tovuslar" ayni damda APL turnir jadvalida 16-o'rinda bormoqda.
