"Muxlislarimizni tabriklayman. Kutilgan o'yinni namoyish etdik, ammo birinchi bo'limdagi qizil kartochka rejalarimizni o'zgartirib yubordi. "Andijon"dan boshqacha o'yin kutgandik.

Eng muhimi o'zimizga kerakli bo'lgan ochkoni qo'lga kiritdik. Jamoada ichki muhit yaxshi, aks holda bugun 10 kishi bo'lib qolib yutqazib qo'ygan bo'lardik.

- Yaxshi o'ynab turgan Norxonovni almashtirdingiz...
- Norxonov oyog'ida muammo borligi uchun almashtirishimizni so'radi. Shu bois uning o'rniga boshqa hujumchi Alisher Shog'ulomovni maydonga tushirdik. Bugun "Obod" ko'rsatgan o'yindan qoniqish hosil qildim. Bugun maydonda nima bo'lganini barcha ko'rdiku.

- Yaqinda Rossiya saytida sizning intervyuingiz chop etildi. U erdagi barcha gaplar siznikimi yoki bo'rttirilganmi?
- Rossiya matbuotida chop etilgan intervyuda barcha gap o'zimga tegishli. Biroq bazi o'zbek saytlari buni biroz bo'rttirib yuborishdi. Men terma jamoa yoki murabbiy haqida fikrimni bildirmagan edim. O'zbekistonning o'smirlar va yoshlar terma jamoalarining Jahon chempionatiga chiqa olmagani uchun bolalar futbolida pasayish bo'layotganini aytgandim. O'zimning bolalarim ham futbol o'ynashadi. Barchasini ko'rib turibman. Jurnalistlarimiz meni Samvel Babayanga qarshi qilib qo'yishdi. Bor gap shu", - deydi Jafar Irismetov.

Narzulla Saydullaev

Jafar Irismetov: "Rossiya matbuotida chop etilgan intervyudagi barcha gap o'zimga tegishli"