"Мухлисларимизни табриклайман. Кутилган ўйинни намойиш этдик, аммо биринчи бўлимдаги қизил карточка режаларимизни ўзгартириб юборди. "Андижон"дан бошқача ўйин кутгандик.

Энг муҳими ўзимизга керакли бўлган очкони қўлга киритдик. Жамоада ички муҳит яхши, акс ҳолда бугун 10 киши бўлиб қолиб ютқазиб қўйган бўлардик.

- Яхши ўйнаб турган Норхоновни алмаштирдингиз...
- Норхонов оёғида муаммо борлиги учун алмаштиришимизни сўради. Шу боис унинг ўрнига бошқа ҳужумчи Алишер Шоғуломовни майдонга туширдик. Бугун "Обод" кўрсатган ўйиндан қониқиш ҳосил қилдим. Бугун майдонда нима бўлганини барча кўрдику.

- Яқинда Россия сайтида сизнинг интервьюингиз чоп этилди. У ердаги барча гаплар сизникими ёки бўрттирилганми?
- Россия матбуотида чоп этилган интервьюда барча гап ўзимга тегишли. Бироқ баъзи ўзбек сайтлари буни бироз бўрттириб юборишди. Мен терма жамоа ёки мураббий ҳақида фикримни билдирмаган эдим. Ўзбекистоннинг ўсмирлар ва ёшлар терма жамоаларининг Жаҳон чемпионатига чиқа олмагани учун болалар футболида пасайиш бўлаётганини айтгандим. Ўзимнинг болаларим ҳам футбол ўйнашади. Барчасини кўриб турибман. Журналистларимиз мени Самвел Бабаянга қарши қилиб қўйишди. Бор гап шу", - дейди Жаъфар Ирисметов.

Нарзулла Сайдуллаев

Жаъфар Ирисметов: "Россия матбуотида чоп этилган интервьюдаги барча гап ўзимга тегишли"