Футболчи 31 Ёшида бутсаларини михга илишга қарор қилди.

"Кўтарилишлар ва пасайишлар бўлган фаолиятимни якунладим. Хайрлашиш вақти келди... Мен футбол учун боримни бердим ва бундан ҳеч қачон афсусланмайман. Бирга ўйнай олган барча клубларим, президентлар, мураббийлар ва футболчиларга раҳмат айтмоқчиман. Шунингдек, мени доим қўллаб турганларга миннатдорчилик билдираман", - деб фикр билдирган франциялик ҳимоячи.

Самуэль Юмтити Франция термаси сафида 31 та учрашувда майдонга тушган. Унинг ҳисобида 4 та гол бор. У терма жамоа сафида 2018 йилда бўлиб ўтган ЖЧда ғалаба қозонган. Ҳимоячи футболчилик фаолияти давомида "Лион", "Барселона", "Лечче", "Лилль" каби жамоаларда ҳаракат қилган.

Жароҳатлар сабабли ҳимоячи фаолияти давомида жами 208 та учрашувда майдонг туша олмаган.

Жаҳон чемпиони 31 ёшида фаолиятини якунлади