Bugun nafaqat A Seriya, balki butun jahon futbolidagi eng taniqli nomlar uchtaligiga kiradigan, bu hayotda Muhammad Ali va Ronaldo Nazariodan boshqasini tan olmaydigan, mag'lubiyatlarni tan olmaydigan va o'zini daho deb biladigan katta shaxs o'zining yubileyini nishonlayapti - Zlatan 40 yoshda!

Shveciyalik futbolchiga tegishli rekordlar haqida alohida kitob yozish mumkin. Yozuvchi emasligimiz tufayli Ibragimovich faoliyatining Italiya futboliga bog'liq qismi bilan bog'liq bazi malumotlarni keltirish bilan kifoyalanamiz.

"Futboldagi Benjamin Batton" A Seriyada 257 o'yin o'tkazgan. Italiya chempionati bahslarida 148 ta gol urib, 64 bor jamoadoshlariga shunday imkoniyat yaratib bergan.

"Milan"ning qizil-qora libosida 133 uchrashuvda maydonga chiqqan futbolchi 85 marta raqib muxlislarini ranjitgan (+32 assist).

"Inter"ning ko'k-qora libosida o'tkazilgan 117 o'yini, urilgan 66 goli va oshirilgan 31 golli uzatmasi bor.

Ibra "Keksa sinora" uchun ham begona emas. U "Yuve" uchun 92 o'yinda 26 gol urgan (17 assist).

Bugunga qadar barcha turnirlarda 954 rasmiy uchrashuvda maydonga tushgan Ibra 565 gol urgan.

U Italiyaning 4 karra chempioni ("Kalchopoli" mojarosi tufayli "Yuve"dagi chempionligi bekor qilingan).

U Italiya kubogini 3 bor yutgan.

U 2 bor A Seriyaning eng yaxshi to'purari bo'lgan.

U Italiya chempionatida 3 bor yil futbolchisi deb topilgan.

Taslim bo'lma!

Jahon futbolining tirik afsonasi 40 yoshda!