"Bugun qiyin o'yin bo'lishini bilgan edik. "Sho'rtan" jamoasi o'z oldiga yuqori maqsadlarni qo'ygan. Superligaga chiqish uchun harakat qilmoqda. Birinchi bo'limda ikkita asosiy futbolchilarimiz jarohat olishdi. Shu sababli rejalarimiz buzulib ketdi. Natijada zaxiradan futbolchilarni tushurishga majbur bo'ldik. Aslida bu erga kecha kelib mashg'ulotlar olib borishimiz kerak edi. Ayrim sabablarga ko'ra bugun to'g'ridan-to'g'ri kelib maydonga chiqdik. Ushbu omillar ham tasir qiladi baribir. Charchoq alomatlari bor edi.

"Sho'rtan" bilan oldingi o'yindan keyin 4-5 nafar asosiy tarkib futbolchilarimiz jamoani tark etdi. Undan keyin selekciya ishlarini amalga oshira olmaganmiz. Yakunda qolgan futbolchilar bilan o'yinlarga tayyorgarlik olib borilgan. Hozir ham tarkibimizni aksariyatini yoshlar tashkil qiladi.

Qarshi hujumlardan vaziyat yaratishga urindik. Lekin, hujumlarimizni yakuni bo'lmadi. Oldingi o'yinlarda ham ko'rgan bo'lsangiz birinchi bo'limdan so'ng kuchimiz qolmayapti. Nima desam bo'ladi, tarkibimizda tajribali futbolchilar kam. Jamoada yoshlar ko'p. Jamoaning o'rtacha yoshi 21 yoki 22. Maqsadimiz jamoani Pro ligada olib qolish",- deydi Abdurashidov.

Jahongir Abdurashidov: "Maqsadimiz "Zomin"ni Pro ligada olib qolish"