"Avvalambor, g'alaba bilan "Turon" jamoasini tabriklayman, yaxshi o'yin bo'ldi. O'yin haqida aytadigan bo'lsam, ikki jamoa ham qaysidir manoda teng o'ynadi. Televidenie orqali o'yinni kuzatib borgan muxlislarga ham bugungi o'yin juda qiziqarli bo'lgani aniq. Balki bugungi bahs Superliga o'yinlaridan kam bo'lmadi deb o'ylayman.

Hakamlar vazifasini baholash mening ishim emas, lekin bugungi o'yinda hakamlik masalasini ko'rib chiqishsa yomon bo'lmas edi. Bunaqa xatolar hakamlar tomonidan qanchalik kam bo'lsa, bu ularning o'zbek futboliga katta yordami bo'lardi.

Birinchi bo'lim haqida aytadigan bo'lsam, to'g'ri o'yinni biz ko'proq nazorat qildik. Menimcha, birinchi bo'lim teng o'yin bo'ldi. Chap qanot himoyachimizning kichik xatosi evaziga boshlangan hujumdan gol o'tkazib yubordik. Ikkinchi golni ham juda tez o'tkazib yubordik.

Jamoada ko'p narsa moliyaviy imkoniyatga taqaladi. Lekin biz mavjud imkoniyatdan kelib chiqib o'yin namoyish etmoqdamiz. Bugungi o'yinda yigitlardagi ishtiyoqni o'zlaring ko'rdinglar, manimcha jamoaning o'yini unchalik ham mablag'ga aloqador emas. Bu futbol, bizda hozirgi kunda ozgina omad etishmayapti.

Maydon xolati haqida gapiradigan bo'lsak, ozgina kamchiligi yo'q emas. Navbatdagi turni safarda o'tkazamiz, bu orada maydonimizda tamirlash ishlari olib boriladi" - deydi Jiyamurodov.

Jahongir Jiyamurodov: "Bugungi o'yindagi hakamlik ko'rib chiqilsa yomon bo'lmas edi"