Ўз ўрнида, португалиялик мураббий "Пахтакор"нинг ўйин услуби бўйича берилган саволга жавоб берди.

- Сиз Пауло Фонсекага ёрдамчи бўлиб ишлагансиз, Шацких ҳам ёрдамчи бўлиб ишлаб, кейин "Пахтакор"га келганди. Дастлабки икки йилда у чемпион бўлди. Ўз олдингизга қандай мақсад қўясиз?

- Тажрибамни ошириш учун кўп йиллар давомида ишлаб келганман. "Пахтакор" ғоялари билан менинг ғояларим мос келди. Биз ҳар ўйинда ғалаба учун майдонга тушамиз. Ҳар бир ғалаба орқали совринларга яқинлашиб борамиз. "Пахтакор" халқаро майдонсиз қолиб кетиши клубга ярашмайди ва мақсадимиз тезроқ Элит ОЧЛга қайтиш бўлади.

- "Пахтакор" ўйин услубини янгилайсизми?

- Ҳар бир одамнинг ғояси турлича бўлади, ўйинчилар бизнинг асосий ёрдамчилар бўлади. Чунки мураббий айтади, футболчилар уни бажаради. Мендан олдинги мураббийлар штабига раҳмат айтаман.

Жаҳонгир Ортиқхўжаев: - Биз янги бош мураббийнинг ишига аралашмаймиз. Тактика ва таркибларга умуман аралашмаймиз. У ҳам ўзбеклаштирилиб, бир ҳафтадан кейин чойхонадан чиқа олмайдиган бўлиб қолмасин тағин (кулади).

Жаҳонгир Ортиқхўжаев, "Пахтакор" янги бош мураббийи ва Максим Шацких иштирокидаги матбуот анжумани (тўлиқ)

Жаҳонгир Ортиқхўжаев: "Биз янги бош мураббийнинг ишига аралашмаймиз"