Birinchi davrani ko'tarinki ruhda o'tkazgan Hamidjon Aktamov shogirdlari, mavsumning ikkinchi qismida omadsizlikka uchradi. Qator uchrashuvlarda muhim ochkolarni yo'qotdi. Biz bu borada jamoaning tajribali futbolchisi Jamshid Hasanovning fikrlari bilan qiziqdik.

- Dastlab mavsum haqidagi fikrlaringizni bildirsangiz. Birinchi davradagi "Qizilqum" bilan, ikkinchi davradagi jamoani farqi katta bo'ldi...

- To'g'ri birinchi davrani yaxshi o'tkazdik. Ko'p ochkolarni jamg'arishga erishdik. Umuman olganda hammasi yaxshi o'tdi.

- Nima, deb o'ylaysiz jamoa kuchni noto'g'ri taqsimladimi? Yani bor energiya birinchi davrada tugab bo'lgandek ko'rindi....

- Yo'q, unday o'ylamayman. Chunki ikkinchi davrada ham birinchi davradagi o'yinimizni ko'rsata oldik. Lekin omad etishmadi. Sportda omad katta rol o'ynaydi. O'yin paytida ko'p vaziyatlar yaratdik. Hattoki 11 metrlik nuqtadan gol ura olmagan paytlarimiz bo'ldi. Mag'lubiyatga teng duranglar qayd etildi.

- Ikkinchi davrada jamoa mag'lubiyatga uchragan qaysi uchrashuvda g'alabaga haqli edi?

- Barcha uchrashuvlarni misol keltirishim mumkin. 90 daqiqa davomida o'yinni o'z qo'limizga olib kichik bir xato evaziga mag'lubiyatga uchradik.

- Navbatdagi mavsumga qanday rejalar tuzyapsiz?

- Uni vaqt ko'rsatadi. Taqdirda qaer yozilgan bo'lsa, o'sha erda to'p tepamiz.

- Xorijdan takliflar kelib tushsa, chempionat darajasiga etibor qaratasizmi?

- Albatta chempionat darajasiga qarayman. O'ylaymanki, hozirda o'zimizning chempionat ham kuchayib bormoqda. Yuqori o'rinlar uchun kurashda raqobat kuchaydi.

Abdulaziz Iskandarov suhbatlashdi

Jamshid Hasanov: "Qizilqum"ning birinchi davradagi o'yini ikkinchi davrada ham davom etdi. Lekin..."