Jamshid Saidov: "G'alaba qozonganimizdan xursandman. Ketma-ket ikkinchi o'yin ikkinchi taymda yaxshi harakat qila olmayapmiz, ammo shunga qaramay 3 ochko uchun yigitlarga rahmat aytmoqchiman" Muxlislik uchun kelgan ishqibozlarga minnatdorchilik bildiraman.

- "Qizilqum" jamoasi oldiga qanday vazifa qo'yilgan?

- Jamoamiz maqsadi: o'tgan mavsumdan yaxshiroq natija qayd etish.

- Jamoa nega ikkinchi bo'limda o'yinni susaytirib yuboryapti?

- Menimcha psixologiya. Muvaffaqiyatli birinchi bo'limdan so'ng yigitlar g'alabaga erta ishonib qo'yishmoqda. Hech qanday jismoniy muammolar yo'q. Dastlabki turlar o'tib olgandan so'ng hammasi o'z joyiga tushib ketadi deb o'ylayman.

- "Qizilqum" mart oyida "Nasaf" va "Lokomotiv"ga qarshi maydonga tushadi. Ushbu bahslarda jamoaning imkoniyatini qanday baholaysiz?

- Bor kuchimiz bilan harakat qilamiz. Chempionatda engil o'yinlar bo'lmaydi. Nimaga qodirligimizni ko'rsatishga urinamiz. Albatta ijobiy natijani reja qilganmiz.

- Jamoaga gruziyalik hujumchi (Elguja Lobjanidze) taklif qilingan edi. Uning jarohati bormi, bo'lsa qachon qaytadi?

- Ha, unda shikastlanish bor. Ular tarkibimizda, shartnoma imzolaganmiz. U safga qaytishi bilan hujumchi xizmatidan foydalanamiz.

- Robert Ozols Latviya terma jamoasidan chaqiruv olgan. Keyingi turlarda boshqa darvozabon xizmatidan foydalanasizmi?

- U ortga qanday holatda qaytishiga qaraymiz. Hammasini vaqt ko'rsatadi.

Jamshid Saidov: "Chempionatda engil o'yinlar bo'lmaydi"