Unda mamlakat chempioni "Lokomotiv" va O'zbekiston Kubogi sohibi AGMK jamoalari o'zaro kuch sinashishadi.

Qayd etish kerakki, AGMK safida o'ynayotgan tajribali Jasur Hasanov uchun bu galgi Superkubok uchinchi bahsga aylanadi.

Bunga qadar Jasur Hasanov 2014 yili "Bunyodkor" bilan aynan bugungi raqibi bo'ladigan "Lokomotiv" ustidan zafar quchgan. Keyingi yili esa "Loko" tarkibida "Paxtakor" tor-mor etilgandi.

Bu safar esa Hasanov AGMK bilan yana sobiq klubi "Lokomotiv"ga raqiblik qiladi. Qizig'i, 2014 yilgi Superkubokda Jasur Hasanov "qaldirg'ochlar" bilan aynan Mirjalol Qosimov qo'l ostida "Loko"ni mag'lub etishni uddalagandi. Bugun ham Qosimov boshqaruvida o'ynayotgan Hasanov ushbu ishni takrorlashga urinib ko'radi.

Mirjalol Qosimov uchun bu galgi Superkubok murabbiy sifatida ikkinchi o'yinga aylanadi. Bunga qadar Qosimov "qaldirg'ochlar" bilan "Lokomotiv"ni taslim etgandi. Bugun esa AGMK rulida yana "temiryo'lchilar" qarshisidan chiqmoqda. Agarda bugun AGMK g'alabani tantana qiladigan bo'lsa, unda Qosimov Superkubokda eng ko'p g'alaba qozongan murabbiyga aylanadi va bu borada mutlaq rekordchiga aylanishi mumkin.

Jasur Hasanov Superkubokda eng ko'p o'yin o'tkazgan va eng ko'p g'olib chiqqan futbolchi bo'lib turibdi. Bugun esa futbolchi ushbu ko'rsatkichni yanada mustahkamlab qo'yish imkoniyatiga ega.

Qizig'i, Hasanov hozircha Superkubok bellashuvlarida mag'lubiyat nimaligini bilmay kelmoqda. Shuningdek, Hasanov O'zbekiston Superkubogini ikkita jamoa bilan birgalikda qo'lga kiritgan yagona futbolchi bo'lib turibdi. Agarda bugun AGMK g'alaba qozonadigan bo'lsa, unda Hasanov superkubokni uchta jamoa safida qo'lga kiritgan futbolchiga aylanadi.

Jasur Hasanov O'zbekiston Superkubogida eng ko'p o'yin o'tkazgan va eng ko'p g'alaba qozongan futbolchi hisoblanadi. Bugun esa ushbu ko'rsatkichlarni yanada oshirib olish imkoniyatiga ega.

Eslatib o'tamiz, "Lokomotiv" va AGMK o'rtasidagi O'zbekiston Superkubogi uchrashuvi bugun "Paxtakor" stadionida soat 16:00da start oladi.

Jasur Hasanov mutlaq rekordchi