Унда мамлакат чемпиони "Локомотив" ва Ўзбекистон Кубоги соҳиби АГМК жамоалари ўзаро куч синашишади.

Қайд этиш керакки, АГМК сафида ўйнаётган тажрибали Жасур Ҳасанов учун бу галги Суперкубок учинчи баҳсга айланади.

Бунга қадар Жасур Ҳасанов 2014 йили "Бунёдкор" билан айнан бугунги рақиби бўладиган "Локомотив" устидан зафар қучган. Кейинги йили эса "Локо" таркибида "Пахтакор" тор-мор этилганди.

Бу сафар эса Ҳасанов АГМК билан яна собиқ клуби "Локомотив"га рақиблик қилади. Қизиғи, 2014 йилги Суперкубокда Жасур Ҳасанов "қалдирғочлар" билан айнан Миржалол Қосимов қўл остида "Локо"ни мағлуб этишни уддалаганди. Бугун ҳам Қосимов бошқарувида ўйнаётган Ҳасанов ушбу ишни такрорлашга уриниб кўради.

Миржалол Қосимов учун бу галги Суперкубок мураббий сифатида иккинчи ўйинга айланади. Бунга қадар Қосимов "қалдирғочлар" билан "Локомотив"ни таслим этганди. Бугун эса АГМК рулида яна "темирйўлчилар" қаршисидан чиқмоқда. Агарда бугун АГМК ғалабани тантана қиладиган бўлса, унда Қосимов Суперкубокда энг кўп ғалаба қозонган мураббийга айланади ва бу борада мутлақ рекордчига айланиши мумкин.

Жасур Ҳасанов Суперкубокда энг кўп ўйин ўтказган ва энг кўп ғолиб чиққан футболчи бўлиб турибди. Бугун эса футболчи ушбу кўрсаткични янада мустаҳкамлаб қўйиш имкониятига эга.

Қизиғи, Ҳасанов ҳозирча Суперкубок беллашувларида мағлубият нималигини билмай келмоқда. Шунингдек, Ҳасанов Ўзбекистон Суперкубогини иккита жамоа билан биргаликда қўлга киритган ягона футболчи бўлиб турибди. Агарда бугун АГМК ғалаба қозонадиган бўлса, унда Ҳасанов суперкубокни учта жамоа сафида қўлга киритган футболчига айланади.

Жасур Ҳасанов Ўзбекистон Суперкубогида энг кўп ўйин ўтказган ва энг кўп ғалаба қозонган футболчи ҳисобланади. Бугун эса ушбу кўрсаткичларни янада ошириб олиш имкониятига эга.

Эслатиб ўтамиз, "Локомотив" ва АГМК ўртасидаги Ўзбекистон Суперкубоги учрашуви бугун "Пахтакор" стадионида соат 16:00да старт олади.

Жасур Ҳасанов мутлақ рекордчи