Ushbu videoda keltirilishicha, guyoki futbolchini klub azolari kaltaklashgan.

Voqelikni boshidan boshlaymiz:

1. "Surxon" klubi va sobiq futbolchi Javoxir Esonkulov bilan tuzilgan mehnat shartnomasi 2021 yilning 21-iyul kuni har ikkala tomonning o'zaro kelishuviga ko'ra bekor qilingan va futbolchi klubdan hech qanday moliyaviy etirozi yo'qligi haqidagi rasmiy xujjatga qo'l qo'yib, tasdiqlab bergan. Shundan so'ng, futbolchi O'zPFL ro'yxatidan chiqarilgan.

2. Sobiq futbolchi shartnoma bekor qilingan bo'lsada, klub ofisiga doimiy tashrif buyurib, yana qo'shimcha pullar talab qila boshlagan.

3. Sobiq futbolchilar Javoxir Esonkulov va Akrom Xodjaevlar o'zaro til biriktirib, klub ofisi eshigi yonida klub rahbari nomiga nisbatan qo'pol so'zlar bilan uning shaxsini kamsitgan.

4. Klubdagi bu vaziyatlardan xabar topgan jamoa sardori Asror Gafurov vaziyatga oydinlik kiritish maqsadida har ikkala futbolchini klub ofisiga olib kelgan va ushbu so'zlarni nega yozganligi bo'yicha izoh so'ragan. Dastlab, futbolchilar ushbu so'zlarni ular yozmaganliklarini aytishgan lekin ularning har bir harakati klub ofisida o'rnatilgan kuzatuv kameralarida yozib olingan.

5. Jamoa sardori Asror Gafurov futbolchilarga shu jamoada o'ynab, shu jamoani nonini eb, tuzligiga tupurmaslik kerakligini tushuntirgan va o'rtada ziddiyat paydo bo'lgan va ikkala futbolchi bir-birlari bilan mushtlashib ketishgan.

6. Klub sport direktori A.Tairov va klub 1-vice Prezidenti A.Abduraxmonov har ikkala futbolchini ajratishgan va ularni yarashtirib qo'yishgan.

P/S: Sobiq futbolchilar J.Esonkulov va A.Xodjaev o'z aybiga iqror bo'lib, yozma ravishda uzr so'rashgan (Video va foto yozmalar ilova qilinadi).

Javohir Esonqulov va "Surxon" o'rtasida nima muammo bo'lgandi? Klub rasmiy javob berdi