Билишимиз бўйича футболчи қарздорлик юзасидан Ўзбекистон футболчилар уюшмасига мурожаат қилган.

Уюшма раҳбари Камолиддин Мурзоев сайтимизга қуйидагиларни маълум қилди.

"Ҳақиқатдан ҳам кеча кечқурун бу борада мурожаат қилган. Қарздорлик бўлган. Футболчи ва клуб икки томонлама шартномани бекор қилишган. Унга қарздорлик миқдорини тўлаб бериши керак бўлган. Футболчилар ойлик муносабатида юзланишганида қандайдир тушунмовчилик бўлган. Жавоҳир Эсонқуловга қўл кўтаришган. Вазиятнинг энг ёмон томони "Сурхон" клубида ўйнаб турган футболчининг ҳам бўлгани. Ушбу масалада Ўзбекистон футбол ассоциациясига хат билан чиқдик. Тартиб-интизом қўмитаси ва тегишли равишда чоралар кўрилиши бўйича мурожаат қилдик. Асосий футбол органида, вазият футбол субьектлари ўртасида бўлгани учун ўша ерда ҳал қилиниши тарафдоримиз", - дейди Камолиддин Мурзоев.

Ўзбекистон футболчилар уюшмаси раҳбари: "Жавоҳир Эсонқулов ва "Сурхон" масаласида ЎФАга мурожаат билан чиқдик"