"G" guruhida joy olgan BAA terma jamoasi dastlabki turda dam oladi va 2-turdan bahslarga kirishadi. BAA futbolchilari 10 sentyabr kuni safarda Malayziyaga qarshi maydonga tushishadi.

Terma jamoa bosh murabbiyi Bert van Marviyk sentyabr oyidagi yig'in uchun 27 futbolchidan iborat ro'yxatni malum qildi. Futbolchilar orasida jarohatini davolab yana maydonga qaytgan Umar Abdulrahmon ham bor. Malumki, Abdulrahmon o'tgan yilning oktyabr oyida jarohat olib Osiyo Kubogi-2019 musobaqasini o'tkazib yuborgandi.

BAA terma jamoasi 25 avgust - 1 sentyabr oralig'ida Bahraynda o'quv-yig'in mashg'ulot o'tkazadi. Terma jamoaga chaqirilganlar orasida yulduz o'yinchilardan darvozabon Xolid Eysa, himoyachilar Volid Abbos, Hamdan Al Kamoli, yarim himoyada Xalfan Mubarak, Ismoil Al Hammadi va hujumchilardan Ali Mabxut, Ahmad Xalil kabilar bor.

JCH-2022 saralash. Umar Abdulrahmon terma jamoaga chaqirildi