"G" гуруҳида жой олган БАА терма жамоаси дастлабки турда дам олади ва 2-турдан баҳсларга киришади. БАА футболчилари 10 сентябрь куни сафарда Малайзияга қарши майдонга тушишади.

Терма жамоа бош мураббийи Берт ван Марвийк сентябрь ойидаги йиғин учун 27 футболчидан иборат рўйхатни маълум қилди. Футболчилар орасида жароҳатини даволаб яна майдонга қайтган Умар Абдулраҳмон ҳам бор. Маълумки, Абдулраҳмон ўтган йилнинг октябрь ойида жароҳат олиб Осиё Кубоги-2019 мусобақасини ўтказиб юборганди.

БАА терма жамоаси 25 август - 1 сентябрь оралиғида Баҳрайнда ўқув-йиғин машғулот ўтказади. Терма жамоага чақирилганлар орасида юлдуз ўйинчилардан дарвозабон Холид Эйса, ҳимоячилар Волид Аббос, Ҳамдан Ал Камоли, ярим ҳимояда Халфан Мубарак, Исмоил Ал Ҳаммади ва ҳужумчилардан Али Мабхут, Аҳмад Халил кабилар бор.

ЖЧ-2022 саралаш. Умар Абдулраҳмон терма жамоага чақирилди