Сўнгги пайтларда Кожонинг Эроннинг "Истиқлол" клубига ўтиши ҳақида хабарлар кўпайиб қолди. Масалага ойдинлик киритиш мақсадида "Динамо" бош директори Дилшод Шарофетдинов билан боғландик:

"Ростини айтаман, Теҳроннинг "Истиқлол" клуби Кожони сотиб олишни сўраб бизга расмий таклиф юборди. Лекин ҳозиргача биз бу борада ҳеч қандай жавоб берганимиз йўқ, чунки ҳали чемпионат тугагани йўқ. Ҳужумчининг биз билан 2025 йил охиригача шартномаси бор ва агар шу йил қишда "Динамо"ни тарк этса албатта қанчадир сумма эвазига кетади. Бепул кетади деган нарса йўқ. Кожо "Динамо" ҳисоб рақамига пул тушириб кетади, агар кетса. Олдимизда иккита ўйин бор ва мана шу учрашувлардан кейин барчасини кўриб чиқамиз", - деди Шарофетдинов championat.asia сайтига.

"Динамо" бош мураббийи Вадим Абрамов эса Кожо "Истиқлол"га кетадими деган саволимизга қисқа жавоб берди: "Менимча, ҳа".

Маълумот учун, Кожо 2024 йил ҳозирга қадар "Динамо" таркибида барча мусобақаларда 25 та ўйинда майдонга тушиб 10 та гол урган ва 4 та голли узатмани амалга оширди.

Жоэль Кожо масаласи нима бўлди? "Динамо" вакиллари жавоб беришди