У 7 апрелда 80 ёшида вафот этган эди.
Траур тадбирига минглаб одамлар ташриф буюрди. Улар орасида Румыния ички ишлар вазири Кэтэлин Предою ҳам бор эди. У маҳаллий "Динамо"нинг янги стадионига мутахассис номини бериш ишлари олиб борилаётганини эълон қилди. Луческунинг ўйинчилик фаолиятининг катта қисми айнан шу клубда ўтган, шунингдек, у клубда бош мураббий сифатида ҳам ишлаган.
"Мирча Луческу румин футболида ҳақиқий инқилоб яратди ва бутун дунёда тан олинган миллий бойликка айланди. У румин футболига қўшган ажойиб ҳиссасига ҳурмат сифатида биз янги стадионга "Динамо — Мирча Луческу" номини бериш бўйича юридик жараённи бошлашга қарор қилдик", - деди Предою.
Ўйинчи сифатида "Динамо" сафида Мирча 7 марта чемпион бўлган ва Румыния Кубогини қўлга киритган.
Ҳозирги ҳисоб-китобларга кўра, янги стадион қурилиши тахминан 2028 йилда тугатилиши кутилмоқда. Спорт иншооти тахминан 25 минг томошабинни сиғдиради.
